§ 21. Фактары, якія ўплываюць на скорасць хімічных рэакцый
Пытанні, заданні, задачы
1. Укажыце размяшчэнне магнію, цынку, жалеза і медзі ў радзе актыўнасці металаў. Як гэта адбіваецца на скорасці іх рэакцыі з растворамі кіслот?
2. Чаму для працякання хімічнай рэакцыі, як правіла, недастаткова простага сутыкнення часціц рэагентаў? Якія працэсы папярэднічаюць утварэнню новых сувязей у прадуктах рэакцыі?
3. Што такое энергія актывацыі рэакцыі? Чаму малекулы рэагентаў, якія маюць запас энергіі меншы, чым Еа, не ўступаюць у хімічную рэакцыю?
4. Прапануйце шляхі павелічэння скорасці рэакцыі:
2Al(OH)3 = Al2O3 + 3H2O – Q.
5. Чаму скорасць большасці рэакцый узрастае пры павышэнні тэмпературы?
6. Чаму многія лекі захоўваюць у халадзільніку?
7. Якія рэчывы называюцца каталізатарамі? Прывядзіце прыклады вядомых вам рэакцый, якія працякаюць у прысутнасці каталізатараў.
8. Пералічыце ўсе фактары, якія павялічваюць скорасць рэакцыі сінтэзу аміяку:
9. У закрытай пасудзіне пастаяннага аб’ёму працякае хімічная рэакцыя: А(г) + Б(г) = В(г). Да пачатку рэакцыі малярная канцэнтрацыя A складала 5 моль/дм3. Скорасць рэакцыі па рэчыве А роўная 0,06 моль/(дм3 ∙ с). Разлічыце канцэнтрацыю рэчыва A праз 20 с пасля пачатку рэакцыі.
10. У хімічны рэактар аб’ёмам 50 дм3 увялі газападобнае рэчыва А колькасцю 20 моль і газападобнае рэчыва Б колькасцю 60 моль, паміж якімі адбылася рэакцыя А(г) + 2Б(г) = В(г). Праз 3 мінуты канцэнтрацыя рэчыва А паменшылася напалову. Вызначце скорасць расходавання рэчыва Б.