§ 28. МАГЧЫМЫЯ ШЛЯХІ ВЫРАШЭННЯ ГЛАБАЛЬНЫХ ПРАБЛЕМ
Клуб знаўцаў-географаў. У сцэнарным прагнозе АЭСР «Перспектывы навакольнага асяроддзя да 2050 года» прапанаваны меры, якія павінна распачаць сусветная супольнасць для захавання навакольнага асяроддзя. Натуральна, яны павінны быць адаптаваныя краінамі пад свой узровень развіцця, забяспечанасць прыроднымі рэсурсамі і экалагічную нагрузку. Але існуюць і агульныя падыходы (мал. 208-1).
Паразважаем. Чаму розным краінам неабходна выкарыстоўваць адзіныя падыходы для захавання навакольнага асяроддзя?