Інфармацыйныя тэхналогіі. 11 клас (Базавы ўзровень)

  

1. Унясіце змяненні ў праект з прыкладу 2.11 так, каб колер формы змяняўся выпадкова. Для задання колеру выпадковым чынам можна выкарыстаць функцыю RGB(random(256), random(256), random(256)).

2. Стварыце праект, у якім пры двайным кліку мышы па форме яе памеры будуць павялічвацца на  5.

1. 1. Стварыце і захавайце ў новай папцы праект.
   2. Змяніце ўласцівасць Caption у формы на Практыкаванне  2.
   3. Стварыце апрацоўшчык падзеі мышы  OnDblClick.
   4. Для змянення шырыні формы і вышыні формы можна выкарыстаць каманды:
      Form1.Width := Form1.Width + 5;
      Form1.Height := Form1.Height +5;
   5. Захавайце змяненні ў праекце.
   6. Запусціце праект і праверце яго работу.

3. Стварыце праект, у якім колер формы будзе змяняцца пры навядзенні на яе мышкі, напрыклад, з жоўтага на зялёны.

1. 1. Змяніце ўласцівасць Caption у формы на Практыкаванне  3.
   2. Устанавіце жоўты колер формы.
   3. Стварыце апрацоўшчыкі для дзвюх падзей мышы: OnMouseEnter і OnMouseLeave.
   4. У кодзе падзеі OnMouseEnter устанавіце зялёны (clGreen) колер формы, а ў кодзе падзеі OnMouseLeave — жоўты (clYellow).
   5. Захавайце змяненні ў праекце.
   6. Запусціце праект і праверце яго работу.