Беларуская мова. 10 клас

Прачытайце верш М. Багдановіча «Завіруха» няспешна, удумліва, каб адчуць музыку твора, спасцігнуць асаблівасці гукапісу.
Паслухайце гэты і іншыя творы паэта ў выкананні артыстаў Рэспубліканскага тэатра беларускай драматургіі (праект «Чытаем Багдановіча разам» на сайце тэатра: rtbd.by/bahdanovich125).
Як алітарацыя  ўзмацняе гукавую і інтанацыйную выразнасць карціны зімовай непагадзі?
Паўтор якіх гукаў перадае дынамізм, імклівасць, сілу ветру?

Завіруха У бубны дахаў вецер б’е, Грыміць па ім, звініць, пяе, І спеў ліецца ўсё мацней, — Гулянку справіў пан Падвей. У бубны дахаў вецер б’е, Грыміць па ім, звініць, пяе. Ускіпела снежнае віно, І белай пенай мкне яно. У бубны дахаў вецер б’е, Грыміць па ім, звініць, пяе, Па вулках вее дзікі хмель, Гудзіць сп’янелая мяцель. У бубны дахаў вецер б’е, Грыміць па ім, звініць, пяе.                                           М. Багдановіч.

Якая роля паўтораў у вершы?

Вызначце фанетыка-арфаэпічныя асаблівасці выдзеленых слоў.
• Выпішыце дзеясловы з верша. Дайце ім трывальна-часавую характарыстыку. Зрабіце марфемны і марфалагічны разбор аднаго з іх. Якая вобразна-выяўленчая нагрузка дзеясловаў у творы?
• Выпішыце з верша просты ўскладнены сказ і зрабіце яго сінтаксічны разбор.