§ 7-2. Вобразна-выяўленчыя магчымасці фанетыкі беларускай мовы (гукапіс, асананс, алітарацыя)
Сайт: | Профильное обучение |
Курс: | Беларуская мова. 10 клас |
Книга: | § 7-2. Вобразна-выяўленчыя магчымасці фанетыкі беларускай мовы (гукапіс, асананс, алітарацыя) |
Напечатано:: | Гость |
Дата: | Суббота, 27 Апрель 2024, 10:32 |
Правіла
Акцэнталагічныя памылкі — гэта парушэнне правіл пастаноўкі націску, неадпаведнасць літаратурным акцэнталагічным нормам. Акцэнталагічныя памылкі могуць быць абумоўлены наступнымі прычынамі:
Правільная пастаноўка націску ў словах з’яўляецца адзнакай культурнага, пісьменнага маўлення. |
Вобразна-выяўленчыя магчымасці фанетыкі рэалізуюцца праз гýкапіс — гукавыя паўторы ў мастацкім маўленні, што ствараюць мілагучнасць, сэнсавую выразнасць твора. Алітарацыя (лац. ad — пры, littera — літара) — паўтарэнне аднолькавых або падобных зычных гукаў і іх спалучэнняў, што ўзмацняе гукавую і інтанацыйную выразнасць маўлення. Асананс (франц. assonance — сугучча) — паўтарэнне аднолькавых або падобных галосных гукаў; разнавіднасць гукапісу, якая надае тэксту мілагучнасць і эмацыянальную выразнасць. |
Да эўфанічныхл сродкаў выяўленчай выразнасці адносіцца гукаперайманне — імітацыя, перадача гукаў прыроды з дапамогай гукаў маўлення. Умелае выкарыстанне эўфанічных магчымасцей маўлення сведчыць пра высокае паэтьгчнае майстэрства. |
Да вобразна-выяўленчых магчымасцей фанетыкі адносіцца мілагучнасць, або эўфані'я (грэч. euphonia — мілагучнасць), — гукавая арганізацыя маўлення, заснаваная на паўтаральнасці гукаў, што стварае песеннасць, рытмічнасць мастацкага радка. На думку У. Дубоўкі, сродкамі мілагучнасці беларускай мовы выступаюць:
Мілагучнасць парушаецца пры збегу, «нагрувашчванні» аднолькавых або падобных галосных і зычных гукаў: апрача Андрэя і Інны ўсе пайшлі ў універсітэт (трэба: ва ўніверсітэт); падысці к кафэ (да кафэ), гаварылі аб аазісе. |
Падбярыце некалькі вершаў, у якіх выкарыстоўваюцца вобразна-выяўленчыя фанетычныя сродкі (алітарацыя, асананс, гукаперайманне, мілагучнасць).
Ахарактарызуйце мастацка-эстэтычную ролю такіх сродкаў.
Практыкаванне № 75-10
Прачытайце верш М. Багдановіча «Завіруха» няспешна, удумліва, каб адчуць музыку твора, спасцігнуць асаблівасці гукапісу.
Паслухайце гэты і іншыя творы паэта ў выкананні артыстаў Рэспубліканскага тэатра беларускай драматургіі (праект «Чытаем Багдановіча разам» на сайце тэатра: rtbd.by/bahdanovich125).
Як алітарацыя ўзмацняе гукавую і інтанацыйную выразнасць карціны зімовай непагадзі?
Паўтор якіх гукаў перадае дынамізм, імклівасць, сілу ветру?
Завіруха У бубны дахаў вецер б’е, М. Багдановіч. |
Якая роля паўтораў у вершы?
Вызначце фанетыка-арфаэпічныя асаблівасці выдзеленых слоў.
• Выпішыце дзеясловы з верша. Дайце ім трывальна-часавую характарыстыку. Зрабіце марфемны і марфалагічны разбор аднаго з іх. Якая вобразна-выяўленчая нагрузка дзеясловаў у творы?
• Выпішыце з верша просты ўскладнены сказ і зрабіце яго сінтаксічны разбор.
Практыкаванне № 75-11
Прачытайце ўрыўкі з вершаў.
Вызначце, якія вобразна-выяўленчыя сродкі фанетыкі выкарыстаны аўтарамі. Якія функцыі выконваюць фанетычныя сродкі?
Памятайце: гукапіс не абмяжоўваецца толькі слыхавымі ўяўленнямі.
Дыяпазон гукапісу шырокі: ён дапамагае адлюстроўваць розныя паводле характару дзеянні (энергічныя, парывістыя, спакойныя), ствараць у памяці чытача гукавыя, зрокавыя, колеравыя асацыяцыі, выяўляць настрой і пачуцці герояў, сэнсава і лагічна выдзяляць ключавыя словы, вобразы і г. д.
Святло адчулі ранішнія росы —
І ўжо яны не росы — светлякі.
Заспа́ны ранак, як падлетакл босы,
Ідзе, па пояс мокры, да ракі.сн
У. Карызна.
Дзе вы, брацці-ўдальцы, дзе вы, хлопцы-касцы?
Гэй, дакуль на вас трэба чакаць?
Час вам косы кляпацьл , час вам на сенажаць,
Час вам сілу сваю паказаць!
Я. Купала.
Свечка свеціць. Свечка ззяе, свечка дагарае…
Ой, не век жа свечцыф тонкай зіхацець, гарэці, —
Дагарыць яна і знікне, як і ўсё на свеце…
М. Багдановіч.
А струмені звоняць, нібы струны.
Прагна п’е іх смяглая зямля.
П. Панчанка.
Рэха ў іржэўі пара́ніцца,
Росам свой боль раздае.
Доўга на стрэхах раніцы
Белы мароз растае́.
Р. Барадулін.
Сфармулюйце ўласную пазіцыю адносна наступных супрацьлеглых меркаванняў:
а) гукапіс — своеасаблівая «слоўная гульня»;
б) гукапіс — дзейсны сродак стварэння мастацкага вобраза, які мае эстэтычнае прызначэнне.
Запішыце радкі, якія, на вашу думку, можна лічыць узорам мілагучнасці, эстэтычнасці мастацкага слова.
Растлумачце пастаноўку знакаў прыпынку ў запісаным тэксце.