§ 2. АБ’ЕКТЫ ПАЛІТЫЧНАЙ КАРТЫ СВЕТУ
Аб’екты палітычнай карты свету. Палітычная карта свету дынамічная з-за змен, якія адбываюцца з межамі, плошчай дзяржаў і тэрыторый у сувязі з аб’яднаннем, распадам або з’яўленнем суверэнных дзяржаў, зменай формы кіравання або ладу і інш.
Таму асноўнымі аб’ектамі, якія ўзаемадзейнічаюць і ўплываюць на развіццё палітычнай карты свету, з’яўляюцца дзяржавы і тэрыторыі (мал. 8).
Сярод дзяржаў вылучаюць самакіравальныя (незалежныя, суверэнныя) і самаабвешчаныя (непрызнаныя).
Успамінаем. Якімі асаблівасцямі можна ахарактарызаваць суверэнную дзяржаву? |
