Біялогія. 10 клас

    Ключавыя пытанні

1. Якія экалагічныя праблемы актуальныя для сельскай гаспадаркі Рэспублікі Беларусь?
2. Што служыць прычынай дэградацыі зямель? Ці характэрна гэта праблема для горада? Адказ абгрунтуйце.
3. Ад якіх фактараў залежаць экалагічныя праблемы горада?
4. З прапанаванага спісу выберыце кампаненты, якія спрыяюць зніжэнню ўрадлівасці глебы: эрозія і засаленне, дэградацыя, разворванне, асушэнне балот, арашэнне, стварэнне штучных вадасховішчаў, вапнаванне палёў, выкарыстанне пестыцыдаў.

     Складаныя пытанні

1. Прапануйце напрамкі дзейнасці па зніжэнні і мінімізацыі працэсаў дэградацыі зямель.
2. Чаму ўжыванне ядахімікатаў прыводзіць да гібелі жывёл розных відаў?
3. Чаму можа сфарміравацца прыстасаванасць насякомых-шкоднікаў да ядахімікатаў?
4. Прапануйце шляхі рашэння праблемы забруджвання навакольнага асяроддзя аўтатранспартам.
5. Як вы лічыце, ці будуць адчуваць наступствы глабальнага пацяплення жыхары гарадоў? Адказ абгрунтуйце.

Індывідуальнае дамашняе заданне. Распрацуйце падрабязную памятку па эфектыўным выкарыстанні вады за кошт больш эканомнага яе расходавання.