Біялогія. 10 клас

    Ключавыя пытанні

1. Чаму размеркаванне жывога рэчыва  на планеце Зямля нераўнамернае?
2. Чым абумоўлена шыротная занальнасць у кантынентальнай частцы біясферы?
3. Чым абумоўлена вышынная занальнасць у кантынентальнай частцы біясферы?
4. На якія віды падзяляюцца аўтатрофныя арганізмы паводле характару крыніцы энергіі? Прывядзіце прыклады такіх арганізмаў.
5. Да якога тыпу жывых арганізмаў паводле крыніцы ежы належаць рэдуцэнты?

     Складаныя пытанні

1. Ахарактарызуйце размеркаванне жывых арганізмаў у акіянічнай частцы біясферы.
2. Нярэдка можна пачуць: «Няўжо сучасная навука не можа знайсці сродак для знішчэння камароў, бо ад іх столькі непрыемнасцей чалавеку і жывёлам». Уявіце сабе, што такі сродак знойдзены. Ці правільна паступіць чалавек, калі яго выкарыстае? Адказ абгрунтуйце.
3. На сценах старажытнагрэчаскага храма Дыяны ў горадзе Эфесе людзі калісьці зрабілі надпіс: «Сонца сваім прамяністым святлом дае жыццё». Пазней вучоныя пацвердзілі гэты тэзіс, даказаўшы, што «жыццём рухае бесперапынны струмень сонечнага святла». Растлумачце, як вы разумееце залежнасць жыцця ад сонечнага святла.