Біялогія. 10 клас

    Ключавыя пытанні

1. Назавіце тыпы ўзроставых груп асобін у папуляцыях. Чым яны адрозніваюцца адзін ад аднаго?
2. Як тып узроставай структуры ўплывае на рост колькасці папуляцый? Складзіце прагноз для росту колькасці папуляцый з рознымі ўзроставымі пірамідамі.
3. Прывядзіце прыклады розных тыпаў эталагічнай структуры ў сацыяльных групах жывёл.
4. Што дае асобінам аб’яднанне ў сацыяльныя групы? Адказ прадэманструйце на прыкладзе пэўных сацыяльных груп.

     Складаныя пытанні

1. Якое значэнне для гаспадарчай і прыродаахоўнай дзейнасці чалавека мае вызначэнне ўзроставай структуры папуляцый? Прывядзіце прыклады, дзе можа выкарыстоўвацца інфармацыя пра ўзроставую структуру папуляцый.
2. Дзве папуляцыі прамысловых рыб жывуць у розных вадаёмах і маюць розную ўзроставую структуру: у адной папуляцыі ўзроставая піраміда з шырокай асновай, а ў іншай — з вузкай. Складзіце план мерапрыемстваў па нармалізацыі ўзроставай структуры дадзеных папуляцый.
3. Дзве папуляцыі паўночных аленяў апынуліся ў розных умовах асяроддзя, што паўплывала на іх узроставую структуру. У першай папуляцыі было 140 перадрэпрадуктыўных асобін, 80 асобін рэпрадуктыўнага і 40 асобін пострэпрадуктыўнага ўзросту. У другой папуляцыі апынулася 60 перадрэпрадуктыўных, 140 рэпрадуктыўных і 80 пострэпрадуктыўных асобін. Пабудуйце ўзроставыя піраміды, выкарыстоўваючы маштаб: 1 см = 20 асобін. Дайце прагноз на будучыню гэтых папуляцый. Пакажыце, якія дзеянні ў адносінах да кожнай з папуляцый павінен зрабіць чалавек, каб яны захавалі сваё існаванне.

Індывідуальнае дамашняе заданне. Выкарыстоўваючы даступную статыстычную інфармацыю пра ўзроставы склад папуляцый некалькіх відаў ахоўных ці прамысловых жывёл, пабудуйце іх узроставыя піраміды. Складзіце для дадзеных папуляцый экалагічны прагноз і прыкладны план мерапрыемстваў па падтрыманні іх колькасці на аптымальным узроўні.