Біялогія. 10 клас

    Ключавыя пытанні

1. Якія перыяды постэмбрыянальнага этапу антагенезу чалавека вылучаюць у дзяцей?
2. Які ўзроставы перыяд найбольш важны для развіцця мыслення, гаворкі і працоўнай дзейнасці? Адказ аргументуйце.
3. Назавіце ўзроставыя перыяды ў дарослага чалавека. Ахарактарызуйце асаблівасці перыядаў сталасці і старасці.
4. Якія важныя сацыяльныя задачы павінен вырашыць чалавек у перыяд сталасці?

    Складаныя пытанні

1. Пры характарыстыцы развіцця дзяцей на сучасным этапе часта ўжываюць тэрмін «акселерацыя». Выкарыстоўваючы дадатковыя крыніцы інфармацыі, растлумачце, што ён азначае. Назавіце магчымыя прычыны акселерацыі.
2. У чым заключаюцца асаблівасці перыяду сталасці ў людзей, якія жывуць у розных краінах? Як і чаму ў іх адрозніваецца працягласць гэтага перыяду?
3. Як паказвае статыстыка, сярэдняя працягласць жыцця людзей у свеце ўзрастае, прычым жанчыны ў сярэднім жывуць даўжэй за мужчын. Як вы думаеце, у чым прычына гэтых тэндэнцый?

Індывідуальнае дамашняе заданне. Выкарыстоўваючы дадатковыя крыніцы інфармацыі, падрыхтуйце прэзентацыю па тэме «Гіпотэзы працэсу старэння чалавека».