*§ 29—3. Спосабы бясполага размнажэння мнагаклетачных арганізмаў
Праверым веды
Ключавыя пытанні
1. Якія вядомыя тыпы бясполага размнажэння мнагаклетачных?
2. Параўнайце спосабы размнажэння: фрагментацыю і вегетатыўнае размнажэнне. Што ў іх агульнае, а ў чым адрозненне?
3. Параўнайце бясполае размнажэнне ў прыродзе і кланіраванне. У чым падабенства і адрозненне?
4. Ці могуць у прыродзе натуральным шляхам з’явіцца клоны жывёльных арганізмаў? Чаму?
Складаныя пытанні
1. Складзіце пары «спосаб бясполага размнажэння ў мнагаклетачных — арганізм». Спосабы бясполага размнажэння: спораўтварэнне, пачкаванне, фрагментацыя, вегетатыўнае размнажэнне, поліэмбрыянія. Арганізмы: дажджавы чарвяк, пеніцыл, пырнік, браняносец, гідра, фіялка, чалавек, галаўнёвы грыб, вяргіня.
2. Які са спосабаў бясполага размнажэння мнагаклетачных арганізмаў узнік пазней у працэсе развіцця арганічнага свету? Дайце аргументаваны адказ з выкарыстаннем дадатковай інфармацыі.
3. Калі мы ўскопваем зямлю, то часам выпадкова разразаем дажджавых чарвей лапатай. Што адбудзецца з чарвяком, калі ён будзе разрэзаны на дзве часткі?
Індывідуальнае дамашняе заданне. Правядзіце назіранне за раслінамі, якія растуць у вашым рэгіёне, і паспрабуйце знайсці прыклады спосабаў іх бясполага размнажэння. Які спосаб размнажэння найбольш распаўсюджаны?