Біялогія. 10 клас

Гэты спосаб размнажэння сярод мнагаклетачных найбольш характэрны для двухслаёвых жывёл — кішачнаполасцевых. У гідры, напрыклад, двухслаёвая сценка цела ўтварае выраст (почку), на верхавіне якога прарываецца ротавая адтуліна і ўтвараюцца шчупальцы. Затым даччыная асобіна аддзяляецца, прымацоўваецца да субстрату, расце і становіцца самастойным арганізмам. Пачкаванне сустракаецца ў некаторых відаў грыбоў, імхоў, водарасцей, а таксама ў шэрага відаў чарвей.