Біялогія. 10 клас

    Ключавыя пытанні

1. Якія тыпы каранёвых сістэм вы ведаеце? З якіх відаў каранёў яны фарміруюцца?
2. Назавіце зоны кораня і іх функцыі.
3. Ахарактарызуйце ўнутраную будову кораня ў зоне ўсмоктвання. Чым яна адрозніваецца ў аднадольных і двухдольных?
4. Якія структурныя кампаненты вылучаюць пры характарыстыцы ўнутранай будовы сцябла дрэвавай двухдольнай расліны?
5. Устанавіце паслядоўнасць размяшчэння структурных частак сцябла на спіле дрэва, пачынаючы з вонкавага пласта: а) камбій; б) луб; в) перыдэрма; г) драўніна; д) асяродак. Назавіце адрозненні ўнутранай будовы сцябла ў двухдольных і аднадольных.
6. Чым адрозніваецца ўнутраная будова ліста святлолюбівай і ценелюбівай расліны?

    Складаныя пытанні

1. Растлумачце, чаму ў драўніне сцябла бачны гадавыя кольцы, а ў лубе яны адсутнічаюць.
2. Якія заканамернасці будовы раслін трэба ўлічваць, ужываючы штучнае вегетатыўнае размнажэнне?
3. Якія відазмяненні вегетатыўных органаў спрыяюць натуральнаму вегетатыўнаму размнажэнню, якія з іх выкарыстоўвае чалавек у сельскай гаспадарцы?
4. Якія расліны — дрэвавыя ці травяністыя — выяўляюць большыя здольнасці да натуральнага вегетатыўнага размнажэння і чаму?
5. Пры вырошчванні таматаў для павышэння ўраджайнасці ўжываюць два агратэхнічныя прыёмы: пікіроўку расады і пасынкаванне — выдаленне бакавых парасткаў. У чым заключаецца біялагічны сэнс гэтых прыёмаў?