Біялогія. 10 клас

    Ключавыя пытанні

1. Пералічыце асноўныя віды прыродаахоўнай дзейнасці.
2. Што такое рэзерваты? Чым яны адрозніваюцца ад заказнікаў?
3. Са спіса жывёл выберыце ахоўныя віды Беларусі: рысь еўрапейская, чапля вялікая белая, высакародны алень, падворлік вялікі, куніца лясная, мядзведзь буры, выдра рачная, чарапаха балотная, курапатка белая, заяц русак.
*4. Як вы лічыце, чаму ў цяперашні час, калі створана вялікая колькасць ахоўных тэрыторый і Чырвоныя кнігі, праблема знікнення відаў жывёл і раслін не губляе сваёй актуальнасці?

    Складаныя пытанні

1. Які, на ваш погляд, уклад у прыродаахоўную дзейнасць могуць зрабіць навучэнцы?
*2. Якія задачы ўскладаюцца на нацыянальныя паркі Рэспублікі Беларусь?
3. Якія ахоўныя тэрыторыі ёсць у вашай мясцовасці? Якія яшчэ ахоўныя тэрыторыі, на ваш погляд, трэба было б арганізаваць у вашай мясцовасці? Абгрунтуйце іх неабходнасць.
*4. «Адзін чалавек пакідае ў лесе след, сотня — сцежку, тысяча — пустыню». Растлумачце сэнс гэтага выразу.
*5. Ці згодны вы са сцверджаннем «Грамадства, гаспадарка і прырода — гэта сукупнасць кампанентаў, сувязь якіх мае глабальны ўзаемазалежны характар». Адказ абгрунтуйце.

*Індывідуальнае дамашняе заданне. Складзіце «Чырвоны сшытак» — спіс з апісаннем вядомых вам рэдкіх і знікаючых відаў раслін і жывёл, якія сустракаюцца ў вашай мясцовасці.