ТЭОРЫЯ ЛІТАРАТУРЫ. Традыцыі і наватарства. Паняцце пра лірычную прозу
Сродкі стварэння мастацкага вобраза ў «малой прозе»
Назвы мініяцюр «Загадка» і «Трохі пра вечнае» інтрыгуюць чытача, настройваюць на зацікаўленае ўспрыманне тэксту твораў. У першай мініяцюры аўтар разам з героем паспрабаваў разгадаць таямніцу характару беларускага народа. Сродкамі стварэння вобразу народа сталі ўчынкі вяскоўцаў, іх паводзіны. Характар рускага хлопца раскрываецца праз эвалюцыю яго адносін да беларусаў.
Мініяцюра «Трохі пра вечнае» больш эмацыянальная, вобраз лірычнага героя раскрываецца праз рамантычнае ўспрыманне ім навакольнага свету, пейзажу, што выяўляецца праз мастацкія дэталі, метафары, якія ў творы вырастаюць да вобразаў-сімвалаў.