§ 19. Лекавыя расліны і іх выкарыстанне чалавекам

  • Успомніце, якія расліны ў Беларусі часцей за ўсё выкарыстоўваюцца ў лячэбных мэтах.
  • Як вы думаеце? Ці могуць лекавыя расліны ўяўляць пагрозу для здароўя чалавека?
  • Вы даведаецеся пра найбольш распаўсюджаныя лекавыя расліны Беларусі і іх выкарыстанне.

Прэамбула

Лячэбныя ўласцівасці раслін тысячагоддзямі выкарыстоўваліся ўсімі народамі свету. З іх дапамогай людзі лячылі шмат якія захворванні, звяртаючыся да прыроды, да яе дарункаў. У сваім складзе лекавыя расліны змяшчаюць каштоўныя хімічныя рэчывы, таму шырока выкарыстоўваюцца як у лячэбных, так і ў прафілактычных мэтах.