*§ 5—2. Значэнне святла ў жыцці жывёл
- Успомніце, як рэагуюць жывёлы на чаргаванне светлага і цёмнага часу сутак. Як змяненне даўжыні светлавога дня на працягу года ўплывае на жыццё жывёл?
- Як вы думаеце? Якую ролю адыгрывае святло ў жыцці жывёл?
- Вы даведаецеся пра ролю святла як крыніцы цяпла для жывёл, пра яго значэнне для іх арыентацыі ў прасторы.
Прэамбула
У адрозненне ад зялёных раслін жывёлы не здольныя да фотасінтэзу і для працэсаў жыццядзейнасці выкарыстоўваюць не сонечную энергію, а энергію, якая змяшчаецца ў арганічных рэчывах. Тым не менш святло для пераважнай большасці відаў наземных жывёл з’яўляецца жыццёва неабходным фактарам.