*Практычная работа 3.1. Распазнаванне мінеральных угнаенняў
1. У пранумараваных пакеціках знаходзяцца наступныя ўгнаенні:
- а) аміячная салетра і суперфасфат;
- б) суперфасфат і паташ.
Праверце растваральнасць кожнага выдадзенага ўзору, апішыце іх знешні выгляд. На аснове праведзенага даследавання пакажыце змесціва кожнага пакета.
2. У дзвюх пранумараваных прабірках знаходзяцца ўгнаенні:
- а) аміячная салетра і паташ;
- б) сульфат амонію і хларыд калію.
Прыгатуйце растворы гэтых угнаенняў і даследуйце іх з дапамогай універсальнага індыкатару. Пакажыце змесціва кожнай прабіркі.
3. У пранумараваных прабірках знаходзяцца ўгнаенні:
- а) сульфат амонію і хларыд амонію;
- б) хларыд калію і паташ.
Прыгатуйце растворы гэтых угнаенняў і вызначце змесціва кожнай з прабірак з дапамогай выдадзеных вам рэактываў.
4. Вызначце, у якой з пранумараваных прабірак знаходзіцца кожнае з чатырох выдадзеных угнаенняў:
- а) суперфасфат, паташ, хларыд амонію, хларыд калію;
- б) кальцыевая салетра, суперфасфат, сульфат амонію, аміячная салетра.
Пры выкананні працы выкарыстоўвайце дадзеныя, прыведзеныя ў табліцы 30.2.
У справаздачы пакажыце ўраўненні рэакцый у малекулярнай, поўнай і скарочанай іоннай формах.
Табліца 30.2. Мінеральныя ўгнаенні
Угнаенне | Знешні выгляд | Растваральнасць |
---|---|---|
Аміячная салетра | Белыя крышталі або гранулы | Добрая |
Сульфат амонію | Бясколерныя ці шэра-зялёныя крышталі (ад прымесей) | Добрая |
Хларыд амонію | Белыя крышталі | Добрая |
Кальцыевая салетра | Белыя крышталі або пласцінкі | Добрая |
Калійная салетра | Белыя крышталі | Добрая |
Паташ | Белыя крышталі | Добрая |
Калійная соль | Неаднародныя белыя і ружовыя крышталі | Добрая |
Хларыд калію | Белыя крышталі | Хорошая |
Суперфасфат просты | Гранулы або парашок светла-шэрага колеру | Невысокая |