§ 25. Электралітычная дысацыяцыя рэчываў у растворах
Пытанні, заданні, задачы
1. Чаму солі праводзяць электрычны ток пасля плаўлення?
2. Чым адрозніваецца электрычны ток у металах ад электрычнага току ў растворах або расплавах электралітаў?
3. Складзіце ўраўненні дысацыяцыі наступных рэчываў: KHCO3, HClO4, Sr(OH)2, LiOH, КHSO4, NH4H2PO4, HNO2.
4. Чаму электралітычная дысацыяцыя ў растворах працякае самаадвольна?
5. Супастаўце акісляльную і аднаўленчую здольнасці:
- а) атама алюмінію і іона Al3+;
- б) атама жалеза і іона Fe2+;
- в) атама серы і сульфід-іона;
- г) атама серы S0 і атама серы ў саставе кіслотнага астатку
6. Чаму для аніёнаў большасці многаасноўных кіслот, напрыклад , , , , дысацыяцыя па другой ступені працякае слабей, чым па першай? Як зменіцца ступень дысацыяцыі пры дабаўленні іонаў вадароду ў растворы гэтых кіслот?
7. У водным растворы ўтрымліваецца фторавадарод колькасцю 50 моль. Чаму роўная сумарная колькасць іонаў, якія ўтварыліся пры яго дысацыяцыі, калі α(HF) = 9 %?
8. Вызначце сумарную колькасць катыёнаў і аніёнаў солі ў растворы, які ўтрымлівае сульфат натрыю масай 2,84 г.
9. Чаму роўная малярная канцэнтрацыя катыёнаў H+ у водным растворы воцатнай кіслаты аб’ёмам 4 дм3, калі ступень дысацыяцыі кіслаты роўная 2,6 %, а маса кіслаты — 6 г?
10. У растворы аб’ёмам 2,5 дм3 маса Ba(OH)2 роўная 14 г. Вылічыце малярную канцэнтрацыю іонаў OH– у дадзеным растворы.