§ 21. Фактары, якія ўплываюць на скорасць хімічных рэакцый
*Самакантроль
1. Хуткасць хімічных рэакцый залежыць ад:
- а) паверхні судакранання рэчываў;
- б) тэмпературы;
- в) колькасці рэчыва;
- г) малярнай канцэнтрацыі рэчыва.
2. Узаемадзеянне гранул цынку з салянай кіслатой будзе паскарацца пры:
- а) павелічэнні канцэнтрацыі кіслаты;
- б) драбненні цынкавых гранул;
- в) астуджэнні рэакцыйнай сумесі;
- г) развядзенні кіслаты.
3. Без каталізатара працякаюць рэакцыі:
- а) NaOH + HCl = NaCl + H2O;
- б) BaCl2 + H2SO4 = BaSO4↓+ HCl;
- в) C2H4 + H2 = C2H6;
- г) AgNO3 + NaCl = AgCl↓ + NaNO3.
4. У табліцы прыведзены значэнні энергіі актывацыі для рэакцыі раскладання пераксіду вадароду 2H2O2 = 2H2O + O2↑ без і ў прысутнасці каталізатара:
Наяўнасць каталізатара | Энергія актывацыі, кДж/моль |
---|---|
Без каталізатара | 73 |
Плаціна | 48 |
Іоны жалеза | 42 |
Фермент каталаза | 7 |
Хуткасць раскладання пераксіду вадароду будзе найбольшай:
- а) на плацінавым каталізатары;
- б) прыведзеныя дадзеныя не дазваляюць зрабіць такой высновы;
- в) пры ферментатыўным раскладанні ў прысутнасці каталазы;
- г) пры адсутнасці каталізатараў.
5. Пры павелічэнні тэмпературы на кожныя 10 °С хуткасць нейкай рэакцыі ўзрастае ўдвая. Тэмпература рэакцыйнай сумесі змянілася ад 20 °С да 60 °С. Хуткасць рэакцыі пры гэтым узрасла:
- а) у 8 разоў;
- б) у 16 разоў;
- в) у 64 разы;
- г) у 128 разоў.