§ 3.4. Солі
Пытанні, заданні, задачы
1. Выпішыце формулы солей: NaOH, Na2SO4, Na2O, Cu(OH)2, CuCl2, Cu(NO3)2.
2. Запішыце формулы солей: Mg(OH)NO3, (CuOH)2CO3, NaHCO3, KH2PO4, (NH4)2HPO4. Падкрэсліце формулы кіслых солей.
3. Назавіце солі: FeCl2, MgSO4, CaCO3, NaHCO3, Mg(OH)Cl, NaH2PO4.
4. Складзіце формулы солей:
- а) фасфат калію, карбанат магнію, сілікат натрыю, сульфат жалеза(III);
- б) фасфат цынку, сульфат алюмінію, нітрат медзі(II), хларыд кальцыю.
5. Складзіце ўраўненні магчымых рэакцый раствору нітрату жалеза(II) з рэчывамі, формулы якіх: Cu, Na, NaOH, Na2SO4, KNO3, HCl.
6. У кожным радзе ўкажыце метал, здольны ўступаць у рэакцыю замяшчэння з водным растворам солі CuCl2:
- а) Na, Fe, Hg;
- б) Ca, Zn, Ag.
Складзіце ўраўненні адпаведных рэакцый.
7. Вызначце масавую долю солі ў растворы, атрыманым пры растварэнні меднага купарвасу масай 25 г:
- а) у вадзе масай 275 г;
- б) у растворы сульфату медзі(II) масай 195 г з масавай доляй солі 5 %.
8. Вызначце малярную канцэнтрацыю нітрату натрыю ў растворы:
- а) з масавай доляй 18 % і шчыльнасцю 1,118 г/см3;
- б) з масавай доляй 1 % і шчыльнасцю 1,004 г/см3.
9. Прапануйце пяць спосабаў атрымання солі:
- а) Ca3(PO4)2;
- б) ZnSO4.
10. Пасля награвання нітрату медзі(II) масай 9,4 г маса цвёрдага астатку склала 5,08 г. Вызначце масу нераскладзенага нітрату.