*§ 6-0. Навука ў міжнародных адносінах
Прафесійная дзейнасць у сферы міжнародных адносін. Дзейнасць ва ўсёй разнастайнасці сродкаў і метадаў па рэалізацыі знешняй палітыкі дзяржавы — абароне нацыянальных інтарэсаў і ўмацаванні пазіцыі дзяржавы на сусветнай арэне, здзяйсненні знешніх стасункаў — вызначаецца як дыпламатыя.
Аднак спецыялісты ў сферы міжнародных адносін — гэта не толькі дыпламаты.
Падрыхтоўка спецыялістаў у сферы міжнародных адносін здзяйсняецца па розных напрамках: міжнароднае права, міжнародная эканоміка, міжнародная журналістыка, лінгвакраіназнаўства, усходазнаўства, рэгіяналістыка, паліталогія. Некаторыя з выпускнікоў па гэтых спецыяльнасцях працуюць у знешнепалітычным ведамстве — Міністэрстве замежных спраў ці ў аддзелах і ўпраўленнях міжнародных сувязей іншых дзяржаўных органаў, арганізацый, хтосьці звязвае свой лёс са знешнеэканамічным напрамкам работы прадпрыемстваў.
| Спецыяльнасць (напрамак) | Кваліфікацыя | Прахадны бал (бюджэтная форма навучання) | ||
|---|---|---|---|---|
| 2019 | 2020 | 2021 | ||
| Лінгвакраіназнаўства | Усходазнавец-міжнароднік. Перакладчык-рэферэнт | 378 | 382 | 384 |
| Мытная справа | Спецыяліст мытнай справы | 359 | 357 | 329 |
| Міжнародныя стасункі | Спецыяліст па міжнародных стасунках. Перакладчык-рэферэнт | 379 | 382 | 374 |
| Міжнароднае права | Юрыст-міжнароднік з веданнем замежных моў | 385 | 386 | 378 |
| Сусветная эканоміка | Эканаміст | 359 | 372 | 359 |
| Менеджмент (у сферы міжнароднага турызму) | Менеджар-эканаміст. Перакладчык-рэферэнт | 357 | 362 | 350 |
Асаблівасці прафесійнай дзейнасці ў сферы міжнародных адносін, акрамя паглыбленай моўнай і спецыяльнай падрыхтоўкі, звязаны з высокай адказнасцю за рэалізацыю нацыянальных інтарэсаў на міжнароднай арэне, падтрыманне палітычнага, эканамічнага, ідэалагічнага курсу сваёй краіны.