Геаграфія. 11 клас

Ацэнка тэрмічных рэсурсаў. Сумы БАТ разлічаны для большасці культурных раслін. З іх дапамогай можна вызначаць працягласць актыўнай вегетацыі, сярэднія тэрміны наступлення фаз развіцця сельскагаспадарчых раслін і паспявання ўраджаю ў розных прыродна-кліматычных раёнах. Акрамя БАТ, для ацэнкі тэрмічных умоў вырошчвання сельскагаспадарчых культур улічваюць экстрэмальныя тэмпературы ў розныя перыяды вегетацыі, працягласць безмарознага перыяду і іншыя паказчыкі.