§ 4. ГЕАЭКАЛАГІЧНЫЯ АСАБЛІВАСЦІ АТМАСФЕРЫ
Занальна-рэгіянальныя асаблівасці кліматычных рэсурсаў.
Кліматычныя рэсурсы падзяляюцца на біялагічныя, энергетычныя, агракліматычныя і г. д. Сярод іх асаблівае месца займаюць агракліматычныя, гелія- і ветраэнергетычныя рэсурсы.
Агракліматычныя рэсурсы. Для вегетацыйнага перыяду сельскагаспадарчых культур найбольш часта разлічваюцца і аналізуюцца: 1) тэрмічныя і светлавыя рэсурсы; 2) рэсурсы ўвільгатнення, уключаючы ападкі і вільготнасць глебы; 3) умовы перазімоўкі культур; 4) неспрыяльныя (небяспечныя і асабліва небяспечныя) з’явы.
Паразважаем. Як можна зменшыць уплыў кліматычных умоў на сельскую гаспадарку?