§ 29-1. Спецыфічная імунная ахова ўнутранага асяроддзя арганізма. Імунныя адказы клетачнага тыпу. Набыты імунітэт
Імунныя адказы клетачнага тыпу ажыццяўляюцца з удзелам Т-хэлпераў 1 і актываваных Т-кілераў (цытатаксічных Т-лімфацытаў). Пасля першасных імунных адказаў на антыген у арганізме захоўваюцца клеткі імуналагічнай памяці. Пры ўсіх наступных кантактах з гэтым антыгенам за кошт названых вышэй клетак развіваецца хуткі другасны імунны адказ. Гэта забяспечвае набыты (індывідуальны) імунітэт. Алергія з’яўляецца адной з праяў дзейнасці імуннай сістэмы. Людзі, схільныя да алергіі, павінны пазбягаць кантакту з алергенам і ўжываць супрацьалергічныя прэпараты.