Біялогія. 11 клас

1. Што такое біялагічны прагрэс? Біялагічны рэгрэс? Якія прыметы сведчаць пра тое, што эвалюцыя той ці іншай сістэматычнай групы накіравана на біялагічны прагрэс? На біялагічны рэгрэс?

2. Што ўяўляе сабой морфафізіялагічны прагрэс і рэгрэс? Назавіце галоўныя прычыны морфафізіялагічнага рэгрэсу жывых арганізмаў.

3. Ахарактарызуйце асноўныя шляхі дасягнення біялагічнага прагрэсу і адпаведныя ім адаптацыі. Прывядзіце прыклады арамарфозаў, аламарфозаў і катамарфозаў.

4. Апішыце вядомыя вам спосабы ажыццяўлення эвалюцыйнага працэсу, прывядзіце прыклады. Растлумачце, чаму дывергенцыя прыводзіць да фарміравання гамалагічных органаў, а канвергенцыя — аналагічных.

5*. На аснове ведаў, якія вы атрымалі пры вывучэнні біялогіі ў 6—10-м класах, растлумачце, узнікненне якіх арамарфозаў у ходзе эвалюцыйнага развіцця жывой прыроды абумовіла асваенне наземна-паветранага асяроддзя: а) раслінамі; б) беспазваночнымі жывёламі; в) пазваночнымі жывёламі.