§ 32-3. Утварэнне і правапіс прыслоўяў. Марфалагічны разбор прыслоўя
Паслухаем мовазнаўцаў
Шмат увагі надае «народная лінгвістыка» такім моўным тэмам, якія даследуюць лексікалогія і марфалогія. Як разумееш слова, што бачыш за ім, ці правільна яго ўжываеш? Гэтыя асноўныя пытанні ставяць невядомыя аўтары ў загадках, лічылках, жартах, а то і ў адмысловых лінгвістычных заданнях: Пералічыце дні тыдня па парадку, не называючы чыслаў і назваў дзён (Паводле А. Каўруса).
Ці можаце вы выканаць гэта заданне? Запішыце прыслоўі, вызначце іх спосаб утварэння.