§ 3. Правілы афармлення чарцяжоў: фарматы лістоў чарцяжоў, маштабы
Фарматы лістоў чарцяжоў
Для зручнасці захоўвання чарцяжоў іх выконваюць на лістах паперы пэўнага памеру, які называецца фарматам. Фармат ліста вызначаецца памерамі яго бакоў. Стандартам ДАСТ 2.301-68 АСКД. Фарматы вызначаны шэраг асноўных і дадатковых фарматаў (рыс. 12). Фарматы лістоў вызначаюцца памерамі знешняй рамкі і абазначаюцца вялікай літарай А і лічбай. На ўроках чарчэння вы будзеце выкарыстоўваць фармат А4, памеры бакоў якога 210 х 297 мм ці А3 з памерамі 420 х 297 мм.