Беларуская літаратура. 10 клас

Беларуская літаратура пачатку ХХ стагоддзя

* Пытанні

	1. Што паўплывала на развіццё беларускай літаратуры ў пачатку ХХ стагоддзя?
	2. Якую ролю ў развіцці тагачаснай беларускай літаратуры адыграў перыядычны друк?
	3. Хто са славутых беларускіх аўтараў пачаў творчы шлях у нашаніўскі перыяд?
	4. Акрэсліце тэндэнцыі ў развіцці паэзіі, прозы і драматургіі пачатку ХХ стагоддзя.
	5. Назавіце вядучыя тэмы ў паэзіі Якуба Коласа і Янкі Купалы пачатку ХХ стагоддзя. Якія з іх застаюцца актуальнымі ў наш час?
	6. Чаму для беларускай прозы вывучанага перыяду характэрны ў асноўным малыя жанры? Як іх развіццё ўплывае на ўзнікненне буйных форм (аповесці, рамана)?
	7. Чаму ў пачатку мінулага стагоддзя пісьменнікі часта карысталіся псеўданімамі?
	*7–1. Раскрыйце сутнасць дыскусіі пра шляхі развіцця беларускай літаратуры, што разгарнулася на старонках газеты «Наша ніва» ў 1913 годзе. Якія супрацьлеглыя пазіцыі вы можаце вылучыць?
	8. Разгледзьце фотаздымак беларускай тэатральнай трупы, зроблены ў 1912 годзе. Карыстаючыся даведачнымі крыніцамі, устанавіце, ці можна назваць яго «Пасля выступлення Першага беларускага таварыства драмы і камедыі».
	9. У пачатку ХХ стагоддзя беларуская літаратура развівалася паскорана, засвойваючы за лічаныя гады тое, на што ў іншых былі дзесяцігоддзі. Чаму, на вашу думку, наша літаратура развівалася паскорана ў параўнанні з іншымі? Якія падзеі запавольвалі яе станаўленне ў ХІХ стагоддзі?
	10. Пазнаёмцеся са свежым нумарам сучаснага беларускага перыядычнага выдання, прысвечанага мастацкай літаратуры (ЛіМ, «Маладосць», «Полымя»). Зрабіце яго вусны агляд. Параўнайце тэматыку разгледжанага вамі нумара з тэматыкай газеты «Наша ніва» ў 1906—1915 гадах.
	11. Абапіраючыся на набытыя веды, стварыце самастойны электронны макет першай паласы газеты, прысвечанай літаратуры пачатку ХХ стагоддзя. Прадумайце, якімі будуць назва і дэвіз выдання, хто стане яго мэтавай аўдыторыяй, якія знакавыя творы і крытычныя артыкулы варта размясціць, якія выявы лепш выкарыстаць. У асобную калонку прапануйце літаратурную творчасць сваіх аднакласнікаў.