Фізіка. 10 клас

Практыкаванне 17.1

1. Вызначце электраёмістасць батарэі кандэнсатараў, адлюстраванай на малюнку 124.3, калі С₁ = 5,0 мкФ, С₂ = 3,0 мкФ, С₃ = 9,0 мкФ, С₄ = 2,0 мкФ.

2. Кандэнсатар электраёмістасцю С₁ = 4,00 мкФ злучылі паслядоўна з кандэнсатарам электраёмістасцю С₂ = 5,00 мкФ. Вызначце напружанні на кандэнсатарах, калі напружанне на полюсах батарэі U_б = 270 В.

3. Два аднолькавыя плоскія паветраныя кандэнсатары злучылі паслядоўна і падключылі да крыніцы пастаяннага электрычнага току. Вызначце, як і ў колькі разоў зменіцца модуль напружанасці электрастатычнага поля аднаго з кандэнсатараў, калі прастору паміж яго абкладкамі цалкам запоўніць дыэлектрыкам з дыэлектрычнай пранікальнасцю ε = 4,0.

4. Два адасобленыя праваднікі, электраёмістасці якіх С₁ = 3,0 пФ і С₂ = 5,0 пФ, размешчаны ў паветры. Патэнцыял першага правадніка
= 24 В, а другога —  = 30 В. Вызначце патэнцыял гэтых праваднікоў пасля іх кароткачасовага злучэння тонкім доўгім правадніком.