Фізіка. 10 клас

Практыкаванне 6

1. Пры тэмпературы t = 16 °С парцыяльны ціск вадзяной пары ў паветры p_п = 1,2 кПа. Вызначце адносную вільготнасць паветра.

2. Вызначце адносную вільготнасць паветра ў памяшканні ўмяшчальнасцю V = 200 м³, калі маса вадзяной пары ў памяшканні m = 2,4 кг, а тэмпература паветра t = 20 °С.

3. Пры тэмпературы t = 18 °С адносная вільготнасць паветра φ = 61 %. Пры якой тэмпературы пачне выпадаць раса?

4. Пры тэмпературы t = 28 °С адносная вільготнасць паветра φ = 50 %. Вызначце масу расы, якая выпала з паветра аб’ёмам V = 1,0 км³, калі яго тэмпература знізілася на Т₁ – Т₂ = 16 К.

5. Вызначце адносную і абсалютную вільготнасці паветра, калі сухі і вільготны тэрмометры псіхрометра паказваюць t_с = 14 °С і t_в = 10 °С адпаведна.

6. Пры тэмпературы t = 20 °С адносная вільготнасць паветра φ = 44 %. Вызначце паказанні вільготнага тэрмометра псіхрометра.

7. Па выніках адпаведных вымярэнняў вучнямі была складзена табліца.

Умяшчальнасць кабінета V, м3	Тэмпература паветра t, °С	Адносная вільготнасць паветра φ, %	Маса вадзяной пары ў паветры m, кг
240	20,0	45,0	?

Вызначце масу вадзяной пары ў паветры ў вучэбным кабінеце.

8. Паказанні сухога і вільготнага тэрмометраў псіхрометра t_с = 24 °С і t_в = 17 °С адпаведна. Вызначце тэмпературу, пры якой вадзяная пара ў памяшканні стане насычанай.

10. Паветра, аб'ём і адносная вільготнасць якога адпаведна V₁ = 2,0 м³ і φ₁ = 20 %, змяшалі з паветрам пры такой самай тэмпературы, аб'ём і адносная вільготнасць якога адпаведна V₂ = 3,0 м³ і φ₂ = 30 %. Вызначце адносную вільготнасць сумесі, калі яе аб’ём V₃ = 5,0 м³.

11. У пасудзіне знаходзіцца паветра пры тэмпературы t₁ = 10 °С, адносная вільготнасць якога φ₁ = 60 %. Паветра нагрэлі да тэмпературы t₂ = 100 °С, пры якой ціск насычанай пары р_н2 = 1,0 · 10⁵ Па, а яго аб’ём паменшылі ў α = 3 разы. Вызначце адносную вільготнасць паветра.