Фізіка. 10 клас

Практыкаванне 2

1. Вызначце канцэнтрацыю малекул кіслароду, калі сярэдняе значэнне квадрата скорасці іх цеплавога руху , а ціск газу .

2. У адной з дзвюх аднолькавых пасудзін знаходзіцца кісларод, а ў другой — азот. Колькасць малекул кожнага газу і сярэднія значэнні квадратаў скорасцей іх цеплавога руху аднолькавыя. Вызначце ціск азоту, калі ціск кіслароду p₁ = 32 кПа.

3. Вызначце сярэднюю кінетычную энергію паступальнага руху малекул кіслароду пры нармальных умовах, калі іх канцэнтрацыя n = 2,7 · 10²⁵ м^–3.

4. У балоне ёмістасцю V = 4,0 л знаходзіцца N = 8,0 · 10²⁵ малекул азоту. Вызначце сярэднюю кінетычную энергію паступальнага руху малекул, калі ціск азоту p = 2,0 МПа.

5. У балоне ёмістасцю V = 2,5 м³ знаходзіцца гелій масай m = 3,0 кг. Вызначце сярэдняе значэнне квадрата скорасці цеплавога руху атамаў гелію, калі яго ціск p = 100 кПа.

6. У колькі разоў зменіцца ціск ідэальнага аднаатамнага газу, калі сярэдняя кінетычная энергія цеплавога руху яго атамаў павялічыцца ў α = 3 разы, а аб’ём газу паменшыцца ў β = 2 разы?

7. У пасудзіне знаходзіцца ідэальны газ, ціск і абсалютная тэмпература якога р₁ і Т₁ адпаведна. Вызначце, як і ў колькі разоў зменіцца ціск газу, калі сярэдняе значэнне квадрата скорасці цеплавога руху яго малекул павялічыцца на α = 10 %, а адведзены яму аб’ём паменшыцца на β = 50 %.