§ 23. Ужыванне слова ў адпаведнасці з яго лексічным значэннем, адрозненне мнагазначных слоў і амонімаў

Правіла

Мнагазначныя словы патрэбна адрозніваць ад амонімаў.

Амонімы — словы з розным лексічным значэннем, яны не маюць паміж сабой сэнсавай сувязі (як мнагазначныя словы), таму і ў слоўніках падаюцца ў розных артыкулах.

Пры адрозненні амонімаў ад мнагазначных слоў трэба вызначыць, ці ёсць паміж значэннямі сэнсавая сувязь. Калі яна назіраецца, перад намі мнагазначнае слова, калі не — амонімы.