§ 16. Правапіс падоўжаных зычных
Практыкаванне № 129
Прачытайце верш. Якім настроем ён прасякнуты?
І калі разальецца ранне
Чысцінёй некранутай над светам,
Паспяшаю зноў на спатканне
Я са шчодрым сунічным летам.
Спеў птушыны чуецца звонкі,
І нібыта рассыпаў хтосьцім
Невымоўнае прыгажосці.
На паляне ягады-зоркі
Як прыемна з кошыкам поўным
Нетаропка дамоў вяртацца.
Водар лесу такі чароўны
Будзе доўга мне ўспамінацца.
Н. Цвірко.
Успомніце, чым адрозніваецца падаўжэнне зычных ад падваення.
Выпішыце з верша спачатку словы з падаўжэннем зычных, а затым — з падваеннем.
Дапоўніце кожны радок слоў уласнымі прыкладамі.
Падбярыце эпітэты да слова лета (шчодрае, сунічнае...).