§ 16. Правапіс падоўжаных зычных
Практыкаванне № 128
Устаўце ў фразеалагізмы прапушчаныя кампаненты — словы з падоўжанымі зычнымі.
Запішыце.
Устанавіце адпаведнасць паміж фразеалагізмамі і іх значэннямі.
| 1) ні днём ні ... 2) не ... дык заўтра 3) як на гарачым ... 4) пуцёўка ў ... 5) пускаць ... 6) пад стол ... ходзіць |
а) ‘у стане крайняга хвалявання, неспакою, трывогі’ б) ‘трывала асталёўвацца дзе-небудзь, уладкоўвацца на доўгі тэрмін’ в) ‘зусім малы, малалетні’ г) ‘падтрымка на пачатку якой-небудзь дзейнасці’ д) ‘ніколі, увесь час’ е) ‘вельмі хутка, у бліжэйшы час (будзе што-небудзь)’ |
Д л я д а в е д к і: жыццё, пешшу, ноччу, вуголле, карэнне, сёння.
З двума фразеалагізмамі (на выбар) складзіце і запішыце сказы.
Разбярыце іх па членах сказа.