Біялогія. 10 клас

     Ключавыя пытанні

*1. Чаму захаванне разнастайнасці жывых сістэм на Зямлі з’яўляецца актуальным і вострым пытаннем для сучаснага чалавецтва?
2. Якія меры прадпрымаюцца ў свеце для вырашэння пытання захавання відавой разнастайнасці?
3. Якія падыходы ляжаць у аснове рашэння праблем біялагічнай разнастайнасці?
*4. Чаму папуляцыйна-відавы падыход сам па сабе не можа забяспечыць дастатковай захаванасці відавой разнастайнасці?
*5. Якія мерапрыемствы праводзяць на экасістэмным узроўні ў Рэспубліцы Беларусь з мэтай захавання біяразнастайнасці?

     Складаныя пытанні

*1. Што спрыяе вырашэнню праблемы ўстойлівага развіцця біясферы?
2. Якія з пералічаных мерапрыемстваў засноўваюцца на папуляцыйна-відавым падыходзе: аднаўленне парушаных і неэфектыўна выкарыстоўваемых экалагічных сістэм; аднаўленне папуляцый відаў дзікіх жывёл і дзікарослых раслін, уключаных у Чырвоную кнігу Рэспублікі Беларусь; зніжэнне паступлення біягенных забруджвальных рэчываў у водныя аб’екты; распрацоўка і апрабаванне тэхналогіі паскоранага аднаўлення адкрытых нізінных асаковых балот на месцы дэградаваных тарфяных балот; распрацоўка і рэалізацыя мерапрыемстваў па стабілізацыі і павелічэнні колькасці відаў птушак, змешчаных пад пагрозай глабальнага знікнення?
*3. Дзякуючы чаму магчыма захаванне біялагічнай разнастайнасці ў біясферы?
*4. Пры якіх умовах магчымая арганізацыя рацыянальнага прыродакарыстання?

*Індывідуальнае дамашняе заданне. Прапануйце не менш трох мерапрыемстваў, якія можна правесці ў вашым рэгіёне для аднаўлення папуляцый відаў дзікіх жывёл і дзікарослых раслін, уключаных у Чырвоную кнігу Рэспублікі Беларусь.