Біялогія. 10 клас

    Ключавыя пытанні

1. У якіх частках кветкі адбываецца развіццё мужчынскіх і жаночых палавых клетак у пакрытанасенных?
2. Растлумачце біялагічную ролю пылковай трубкі.
3. Які храмасомны набор характэрны для зародка і клетак эндасперму семені кветкавай расліны? Растлумачце, з якіх клетак яны ўтвараюцца.
4. З прапанаванага пераліку выберыце структурныя часткі зародкавага мяшка: сінергіды, цэнтральная клетка, вегетатыўная клетка, яйцаклетка, антыподы, сперміі.
*5. Які працэс называецца двайным апладненнем? У чым яго асаблівасць?

    Складаныя пытанні

1. Чаму ў ходзе эвалюцыі раслін змяняліся суадносіны палавога і бясполага пакаленняў у бок перавагі бясполага пакалення? Прывядзіце аргументаваныя тлумачэнні, выкарыстоўваючы дадатковыя крыніцы інфармацыі.
2. Для кожнай часткі семені падбярыце структуры семязачатка, з якіх яны сфарміраваліся. Часткі семені: эндасперм, зародак, семявая лупіна, семяўваход. Структуры семязачатка: зігота, покрыва, пылкаўваход, цэнтральная клетка.
3. Выберыце правільныя меркаванні. Пры апладненні ў кветкавых раслін:
а) адзін са сперміяў зліваецца з яйцаклеткай зародкавага мяшка, а другі спермій знікае;
б) абодва сперміі зліваюцца з яйцаклеткай зародкавага мяшка, утвараючы зіготу;
в) адзін са сперміяў зліваецца з яйцаклеткай зародкавага мяшка, а другі — з цэнтральнай клеткай;
г) з зіготы з трыплоідным наборам храмасом развіваецца эндасперм;
д) цэнтральная клетка пасля апладнення гіне;
е) эндасперм мае трыплоідны набор храмасом.

*Індывідуальнае дамашняе заданне. Важным момантам у размнажэнні кветкавых раслін з’яўляецца апыленне. Правядзіце назіранне за квітнеючымі раслінамі ў месцы вашага пражывання. Ахарактарызуйце іх прыстасаванні да розных спосабаў апылення.