Біялогія. 10 клас

    Ключавыя пытанні

1. Якія спосабы бясполага размнажэння аднаклетачных эўкарыёт вядомы ў прыродзе?
2. Чым адрозніваецца пачкаванне ў эўкарыёт і пракарыёт?
3. Чаму спораўтварэнне ў эўкарыёт з’яўляецца спосабам бясполага размнажэння, а ў пракарыёт такім не з’яўляецца?

    Складаныя пытанні

1. Устанавіце адпаведнасць паміж аднаклетачнымі арганізмамі і спосабамі іх бясполага размнажэння. Арганізмы: дрожджы, кішачная палачка, амёба звычайная, хларэла, хламідаманада. Спосабы бясполага размнажэння: дзяленне клеткі, спораўтварэнне, пачкаванне.
2. Які са спосабаў бясполага размнажэння аднаклетачных арганізмаў узнік пазней у працэсе  развіцця арганічнага свету? Дайце аргументаваны адказ з выкарыстаннем дадатковай інфармацыі.

Індывідуальнае дамашняе заданне. Вазьміце 10 г сухіх пякарскіх дражджэй і сталовую лыжку цукру, растварыце іх у шклянцы цёплай вады (30—35 °С). Адбірайце праз кожныя 20 мін па 20 мл суспензіі і праводзьце кіпячэнне проб. Пробы пасля кіпячэння выліце ў празрыстыя шклянкі, дайце адстояцца і вымерайце вышыню асадка. Пабудуйце графік змянення вышыні асадка з цягам часу. Растлумачце атрыманыя вынікі.