Біялогія. 10 клас

    Ключавыя пытанні

1. Ахарактарызуйце асаблівасці клімату ў біёме дажджавых трапічных лясоў. Якія экалагічныя фактары з’яўляюцца лімітуючымі?
2. Якія асаблівасці мае прасторавая структура экасістэм трапічнага лесу? Назавіце прычыну гэтых асаблівасцей.
3. Растлумачце, чаму пры вялікай колькасці ўтворанага дэтрыту ліставая подсцілка ў трапічных лясах мае таўшчыню 1—2 см, а глебы бедныя мінеральнымі рэчывамі.

    Складаныя пытанні

1. Растлумачце з экалагічнага пункта гледжання, чаму пасля высечкі трапічнага лесу немагчыма яго аднаўленне.
2. Як суадносяцца біялагічная прадуктыўнасць і біямаса дажджавога трапічнага лесу? Растлумачце прычыну такіх суадносін з улікам асаблівасцей умоў асяроддзя.
3. Якія экалагічныя праблемы адчуваюць на сабе дажджавыя трапічныя лясы? Прапануйце шляхі іх рашэння.

Індывідуальнае дамашняе заданне. Выкарыстоўваючы тэкст і малюнкі электроннага дадатку, а таксама дадатковыя крыніцы інфармацыі, размяркуйце тыповых прадстаўнікоў біёма дажджавых трапічных лясоў па трафічных узроўнях і складзіце сетку харчавання, якая ўключае, як мінімум, чатыры віды прадуцэнтаў.