Біялогія. 10 клас

    Ключавыя пытанні

1. Параўнайце азначэнні паняццяў «біягеацэноз» і «экасістэма». Што паміж імі агульнае? У чым адрозненне?
2. Якія з пералічаных экасістэм можна назваць біягеацэнозамі: пойменны луг, возера, дуброва, гнілы пень, мора, хвойны лес, рака?
3. У чым заключаецца роля прадуцэнтаў у экасістэме? Прывядзіце прыклады фота- і хемааўтатрофаў.
*4. Якую функцыю ў экасістэме выконваюць рэдуцэнты? Назавіце іх прадстаўнікоў.
*5. Устанавіце адпаведнасць паміж функцыянальнымі кампанентамі экасістэмы і іх прадстаўнікамі.
Функцыянальныя кампаненты: 1. Прадуцэнты. 2. Кансументы. 3. Рэдуцэнты.
Прадстаўнікі: а) бяроза; б) лось; в) чарвяк дажджавы; г) шчупак; д) падасінавік; е) лішайнік; ж) ламінарыя; з) мнаганожка; і) дафнія.
6. Дайце экалагічны прагноз магчымых наступстваў у экасістэме, калі ў ёй адбудзецца рэзкае скарачэнне колькасці рэдуцэнтаў. Якія наступствы маглі б чакаць Зямлю, калі б зніклі ўсе рэдуцэнты?

    Складаныя пытанні

1. Выберыце тры істотныя прыметы экасістэмы:
1) высокая колькасць відаў кансументаў III парадку;
2) наяўнасць кругавароту рэчываў і патоку энергіі;
3) сезонныя змяненні тэмпературы і вільготнасці;
4) нераўнамернае размеркаванне асобін  віду-эдыфікатару;
5) наяўнасць прадуцэнтаў, кансументаў і рэдуцэнтаў;
6) узаемасувязь абіятычных і біятычных кампанентаў.
2. Дайце экалагічны прагноз магчымых наступстваў у экасістэме, калі ў ёй адбудзецца рэзкае скарачэнне колькасці дэтрытафагаў.

*Індывідуальнае дамашняе заданне. Прааналізуйце відавы склад бліжэйшай экасістэмы (лес, поле, возера, парк і інш.). Размяркуйце жыхароў экасістэмы на функцыянальныя групы ў адпаведнасці з іх роляй у кругавароце рэчываў і ператварэнні энергіі ў экасістэме.