Біялогія. 10 клас

    Ключавыя пытанні

1. На якія экалагічныя групы ў адносінах да тэмпературы можна падзяліць жывёл? Назавіце прадстаўнікоў.
2. Якія тыпы паводзінскіх адаптацый дазваляюць пайкілатэрмным жывёлам атрымліваць неабходную колькасць цяпла?
3. Ахарактарызуйце марфалагічныя адаптацыі гамаятэрмных жывёл, якія дазваляюць ім падтрымліваць пастаянную тэмпературу цела.

    Складаныя пытанні

1. Вядома, што ў жывёл, якія жывуць у халодных умовах, памеры цела, як правіла, буйнейшыя, чым у жыхароў цёплага клімату. Як растлумачыць гэту заканамернасць?
2. Ліса, мядзведзь белы, собаль маюць густое футра, якое засцерагае цела ад нізкіх тэмператур. А маржы, кіты і цюлені, што жывуць у паўночных шыротах, такога футра не маюць. Як яны ратуюцца ад холаду?
3. Якія адаптацыі да тэмпературы зменяцца ў гамаятэрмных жывёл умеранага пояса ў сувязі з пацяпленнем клімату? Дайце аргументаваны адказ.

Індывідуальнае дамашняе заданне. Выкарыстоўваючы ў якасці аб’ектаў назірання любых пайкілатэрмных і гамаятэрмных жывёл, вызначыце ў іх усе тэмпературныя адаптацыі і размяркуйце іх на тыпы. Ахарактарызуйце адметныя асаблівасці.