Біялогія. 10 клас

    Ключавыя пытанні

1. Растлумачце энергетычную ролю святла ў жыцці жывёл.
2. Назавіце характэрныя адаптацыі жывёл, якія вядуць начны ці змрочны лад жыцця.
3. Якая роля святла ў жыцці чалавека?

    Складаныя пытанні

1. З прыведзенага пераліку жывёл выберыце прадстаўнікоў, якія маюць неразвітыя ці слаба развітыя вочы: лемур, крот, даўгапят, сава, чарвяк дажджавы, сляпыш, жаба, планарыя. Назавіце асяроддзе іх пражывання.
2. Чым тлумачыцца здольнасць начных жывёл бачыць здабычу і няздольнасць пчол бачыць чырвоны колер?
3. У марскіх рыб, якія жывуць на розных глыбінях, будова вачэй не аднолькавая. У большасці рыб тоўшчы вады вочы вельмі буйныя. У глыбакаводных рыб вочы маленькія ці зусім адсутнічаюць. Растлумачце прычыну такіх адрозненняў.

Індывідуальнае дамашняе заданне. Правядзіце назіранні за рэакцыяй жывёл, якія жывуць у вашай мясцовасці, на змяненне дня і ночы. Параўнайце іх па перыядах актыўнасці і размяркуйце на групы паводле ладу жыцця.