§ 31. Асноўныя тэндэнцыі развіцця культуры другой паловы ХХ — пачатку ХХІ ст.
1. Новыя з’явы ў развіцці культуры
Навукова-тэхнічная рэвалюцыя аказала вялікі ўплыў на развіццё культуры. Адбывалася збліжэнне і ўзаемадзеянне навукова-тэхнічных дасягненняў з традыцыйнымі формамі культуры, жыцця і быту людзей. НТР і сучасныя камунікацыйныя тэхналогіі вельмі хутка стварылі «новы свет». Радыё, тэлебачанне, спадарожнікі, факсы і камп’ютарныя сеткі спрыялі больш цеснаму ўзаемнаму збліжэнню людзей і распаўсюджванню культурных каштоўнасцей, робячы іх больш даступнымі для самых шырокіх слаёў насельніцтва.