§ 18. Класіфікацыя і агульныя характарыстыкі хімічных рэакцый
Хімічныя рэакцыі характарызуюць:
- • па ліку і саставе зыходных рэчываў і рэчываў, якія ўтвараюцца, (рэакцыі злучэння, раскладання, замяшчэння і абмену);
- • па прыкмеце змянення ступеней акіслення атамаў у хімічных ператварэннях (акісляльна-аднаўленчыя рэакцыі і рэакцыі без змянення ступеней акіслення атамаў);
- • па вылучэнні або паглынанні цеплаты (экзатэрмічныя і эндатэрмічныя);
- • па наяўнасці каталізатара (каталітычныя і некаталітычныя);
- • па наяўнасці паверхні судакранання рэагентаў, так званай мяжы падзелу фаз (гетэрагенныя і гамагенныя рэакцыі).