*§ 0-4. Сказ, асноўныя функцыі сказа. Парадак слоў у сказе. Стылістычныя магчымасці парадку слоў. Лагічны націск

Мэта выказвання

Па мэце выказвання сказы падзяляюцца на апавядальныя, пытальныя і пабуджальныя.
Апавядальныя сказы змяшчаюць у сабе паведамленне пра што-небудзь: Вераснёўскі вечар і сапраўды быў проста цудоўны (А. Аляшкевіч).
Пытальнымі сказамі перадаюцца пытанні: А хто там ідзе? (Я. Купала).
Пабуджальныя сказы выражаюць пабуджэнне да выканання дзеяння (просьбу, загад, параду, запрашэнне): Ну, ідзіце сабе на вуліцу! (А. Карпюк).
Сказы, у якіх паведамленне, пабуджэнне ці пытанне гучыць эмацыянальна або ўрачыста, называюцца клічнымі: О, раздолле сонцу! (Г. Марчук); А на сонца не глянуць! (Я. Хвалей).