*§ 30-1. ГЕАГРАФІЯ СФЕРЫ НДВКП СВЕТУ
Успамінаем. У чым падабенства і адрозненні паміж навукова-тэхнічным прагрэсам і навукова-тэхнічнай рэвалюцыяй? Якія асноўныя напрамкі навукова-тэхнічнага прагрэсу? Для якіх галін сусветнай гаспадаркі характэрныя найбольшыя выдаткі на навуковыя даследаванні? У якіх краінах атрымалі найбольшае развіццё галіны высокіх тэхналогій? Чым гэта можна растлумачыць? |
Для чаго мы гэта вывучаем? Якія найстарэйшыя ўніверсітэты свету вы ведаеце? Што такое тэхнапарк? На якіх напрамках навуковых даследаванняў яны спецыялізуюцца? З чым гэта звязана? |
Асноўныя паказчыкі ўзроўню развіцця навуковай сферы. У канцы ХХ ст., калі навукаёмістасць вытворчасці і паслуг у свеце становіцца прыярытэтам развіцця сусветнай гаспадаркі, для міжнародных супастаўленняў і ацэнкі ўзроўню развіцця навукі існуюць некалькі сістэм паказчыкаў (Science and Technology, Science and Engineering, R & D і інш.) — Сусветнага банка, ЮНЕСКА, АЭСР, Навуковага фонду ЗША і інш. Іх агульнай рысай з’яўляецца вылучэнне трох груп паказчыкаў: 1) колькасць навуковага персаналу; 2) месца навукі і тэхналогій у структуры эканомікі; 3) рэзультатыўнасць навуковай дзейнасці. Асноўны з іх — сістэма паказчыкаў Сусветнага банка. Яна ўключае 8 паказчыкаў (мал. 211-1).
