*§ 48—5. Біём саваннаў
- Успомніце, якія віды прадуцэнтаў пераважалі ў стэпах умеранай зоны.
- Як вы думаеце? Чаму саванны вылучаюць у асобны біём, а не аб’ядноўваюць іх са стэпамі ўмеранай зоны?
- Вы даведаецеся пра асаблівасці клімату, разнастайнасць прадуцэнтаў і кансументаў у біёме саванн.
Геаграфічнае становішча
Саванны — гэта трапічныя стэпы з рэдкімі дрэвамі ці групамі дрэў, размешчаныя ў цёплых абласцях Паўночнага і Паўднёвага паўшар’яў. Самая шырокая вобласць біёма саваннаў знаходзіцца ў Цэнтральнай і Усходняй Афрыцы, але даволі значныя вобласці саваннаў сустракаюцца таксама ў Паўднёвай Амерыцы, Паўднёвай Азіі і Аўстраліі.
