§ 23. Кампаненты ежы і іх функцыі
- Успомніце, якія карысныя пажыўныя рэчывы змяшчаюцца ў харчовых прадуктах.
- Як вы думаеце? Ці можа ежа быць лячэбным сродкам? Адказ абгрунтуйце.
- Вы даведаецеся пра кампаненты ежы і іх функцыі.
Прэамбула
Ад правільнага харчавання залежыць жыццяздольнасць і працаздольнасць чалавека, а таксама яго ўстойлівасць да ўздзеяння навакольнага асяроддзя. Ежа чалавека ўключае прадукты расліннага, жывёльнага, мінеральнага паходжання, а таксама кампаненты, якія атрымліваюцца сінтэтычным шляхам.