§ 20. Асноўныя хімічныя забруджвальнікі навакольнага асяроддзя
- Успомніце, якія шкодныя адходы хімічных вытворчасцей вам вядомыя.
- Як вы думаеце? Ці магчыма тэхналагічная дзейнасць чалавека без забруджвання навакольнага асяроддзя?
- Вы даведаецеся пра асноўныя забруджвальнікі навакольнага асяроддзя і іх небяспеку для здароўя чалавека.
Цяжкія металы
У выніку антрапагеннага забруджвання каля 10 380 км2 плошчы Беларусі змяшчае небяспечны ўзровень цяжкіх металаў (кадмію, свінцу, цынку, ртуці і інш.). Па харчовых ланцугах гэтыя хімічныя элементы трапляюць у арганізм чалавека і атручваюць яго. Гэта прыводзіць да расстройства стрававання, сур’ёзных захворванняў лёгкіх і мозга. Таксама цяжкія металы зніжаюць імунітэт чалавека, спрыяюць росту спадчынных захворванняў.