§ 10. Адаптацыі арганізмаў да жыцця ў вадзе. Экалагічныя групы водных жывёл
- Успомніце, якія жывёлы і расліны жывуць у водным асяроддзі жыцця.
- Як вы думаеце? Якія асаблівасці будовы маюць водныя расліны? Дзякуючы якім адаптацыям водныя жывёлы могуць жыць на рознай глыбіні ў водным асяроддзі?
- Вы даведаецеся пра экалагічныя групы водных арганізмаў і іх адаптацыі да жыцця ў водным асяроддзі.
Прэамбула
Для воднага асяроддзя жыцця характэрна вялікая разнастайнасць аўтатрофных і гетэратрофных арганізмаў. Найбольшая разнастайнасць відаў назіраецца ў трапічных і субтрапічных морах на глыбіні, якая не перавышае 200—500 м.